شافوني قالوا مس بقت تشوف تاني بقيت أشوفهم وهم بيجروا عليا وبحضنهم وأنا شايفاهم وأخويا رجعنا نتكلم تاني وبقى ييجي يزورني كل أسبوع ويقولي أنا آسف إني سبتك لجوزك لوحدك سنتين أقوله متتأسفش أنا اللي كنت فاكرة إن الاستقلال ضعف وإن الاعتماد على راجل هو الأمان دلوقتي بقيت أنزل لوحدي

وأطلع لوحدي وأروح البنك لوحدي وأمضي وأنا شايفة كل حرف بمضي عليه والشنطة السودة اللي كانت تحت السرير أنا رميتها رميتها في الژبالة أول يوم رجعت شقتي بس سبت الظرف اللي كان فيه اسمي حطيته في درج عندي عشان كل مرة أفكر أثق في حد بسرعة أفتح الدرج وأشوف اسمي

مكتوب بخط إيده على ظرف فيه فلوس مسروقة مني عشان أفتكر إن مش أي حد يقول أنا جنبك يبقى جنبك بجد فيه ناس بتبقى جنبك عشان مستنية اللحظة اللي تقع فيها عشان تاخد اللي في جيبك وفيه ناس بتبقى جنبك عشان لما تقعي تشيلك من غير ما تستنى تمن وأنا

الأكثر قراءة الان

من بعد و.فاة ابنيمنذ 3 أسابيعلقاء مفاجئمنذ أسبوعينالورد البلدمنذ أسبوع

الحمد لله وقعت مرتين مرة لما اتعميت ومرة لما اتخدعت وقمت في المرتين لوحدي ولو سألتوني دلوقتي نفسك في إيه هقولكم نفسي نظري يرجع 100 في المية مش عشان أشوف وشوش الناس عشان أشوف الورق اللي بمضي عليه كويس عشان عمري ما همضي على حاجة وأنا مش شايفاها تاني حتى

لو اللي مديني القلم بيقول لي بحبك